Basler Fasnacht 2022

Mir Primidoofe mache mit und freye uns uf e wunderbari nooche z'holendi Partnerfasnacht mit dr Guggemuusig Krach-Schnygge

Die Aktive vo de Primidoofe Clique Basel 1991 hän gester Obe an dr Fasnachtssitzig mit Freude dörfe zur Kenntnis neh, dass d Basler Regierig doch e Fasnachtshärz het und die letschte Yyschränkige verworfe het.

Dorum hän mir gester Obe entschiede, dass mir Aktive Drey Daag unterwegs wärde sii und unseri Partnerfasnacht mit de Krach-Schnygge werde nochehoole. Unsere impossante Waggiswage löhn mir weg em Usfall vom Cortège in dr Garage stoh und wärde Ihn an dr Fasnacht 2023 hoffentlich wieder könne am e Cortège präsentiere.

Witer sind mir zur Erkenntnis glanggt, dass e vollöffnig vo unserem Fasnachtskeller, em Primidoofe-Käller an dr Martinsgass 13, mit dere sehr kurze Vorbereitigszyyt nid möglich isch. Mir hän aber alli Heebel in Bewegig gsetzt, dass mir für unseri Gäst und Bsuecher unsere schöne Cliquekäller könne ufmache. Drum dörfe mir saage, dass unsere Käller an dr Basler Fasnacht 2022 wie folgt offe wird ha:

Morgestraich: 03.00 - 06.30h

Fasnachtsmontag: geschlossen

Fasnachtsdienstag: 16.00 - 02.00h

Fasnachtsdienstag: geschlossen

Mir hoffe uf Euer Verständnis und würde uns freue, Euch trotzdem in unserem Käller begriesse z dörfe!