> Zurück

Nachwuchs für unseren Primidoofe Waggis-Wagen gesucht!

Schubert Thomas 01.03.2018

DU! Jo genau DU!!!

Hesch scho lang emol welle aktiv an dr Fasnacht mit mache?

Gluschtets di emol ufeme richtige, also wirklig ufeme richtige Wage z'stoh, an dr Fasnacht, während em Cortège?

Wotsch emol erläbe wie e Wage-Sujet usgarbeitet wird, wie mir dr Wage baue, also für d'Fasnacht dien vorbereite?

Wie mir dien Wurfmaterial ykaufe? Oder emol erfahre, was es brucht bis mir jewyls am Mäntig uf d'Route fahre? Oder wotsch eifach 6 glatti Sieche kenne lere?

Sig muetig! und mäld di bi uns! Mir sueche Nochwuchs für uf unsere Wage!

Wenn du die Vorussetzige mit bringsch, hesch gueti Chance:

> bisch jung oder jung bliebe, männlich (sorry liebi Fraue, mir sin e Männerclique),
> zueverlässig, dh. e Maa e Wort und kei Masseblauderi,
> bereit an Samschtige am Wagebau go mit schaffe,
> e Handwärg glert (Bürogummi goht au, hänn mir aber scho gnueg),
> e subere Leumund (mit Drägg am Stägge hesch bi uns nüd verlore),
> Pfupf im Arsch
> kasch au e mol e Spruch mache und au emol aine ystegge?

DENN mäld di doch mit Foti und enere kurze Bewärbig über di (worum du wotsch bi uns mitmache) per Email an waggis@primidoofe.ch

Falls du passe wurdisch, wärde mir di ylade! Also, "Vorwärts, Marsch!" oder "Waggis - hesch emol en Orange?!"