> Zurück

1993 - "Mir sinn widr derby"

Reto Etterlin 01.01.1993

Unseri zweiti Fasnacht - das isch dr Hit, 

mache mir au ganz offiziell am Cortège mit.

An Waage vom erschte Johr hesch zerscht müesse ane cho, 
also hämmer die Sach in Agriff gno.

Nächtelang isch gschrubt, g'hämmeret, diskutiert, verbesseret und g'änderet worde, bis us däm unschienbare Strohwaage e Meischterwärk isch entstande.

Für das Resultat hämmer aber müesse liede! Insbesonders unseri Ärm vom Stroh stopfe (Schmerz). Öbis het aber no gfehlt zum Glück und zwar unseri Rätsch, das beste Stück.

Au sunscht hämmer an däre Fasnacht ziemlich übertriebe, und dr Übername "die Rieche" wär uns fascht bliebe.

Isch jo au kei Wunder, wenn so e Huffe Wildi pro Nomittag 1 Tonne Räppli dure lön. ganz z'schwiege vo Orange , Däfeli und Blueme, do chunt Mänge schön ins Stuune.

Uf jedefall simmer ziemlich beschäftigt gsi mit däm Ganze und es het keine gmerkt, dass nit viel gschwätzt worde isch uf däm Waage.

Aber z'Obe in dr Stadt, do hämmer so richtig Vollgas gä. Mir hän ganzi Beitze unterhalte, hän tanzt uf dr Strooss und es het keine welle go schloofe.

Und ansonsten isch immer s'Motto gsi: mir sin Optimischte und fahre innere offene Kischte , und mir kämpfe uns dure Cortège