> Zurück

1994 - "Armeereform"

Beat Studer 01.01.1994

Im Herbscht 1993 hän mir "Beat Studer und Gregor Fässli" zu de Primidoofe kenne go zur e schnuper Sitzig.

Ich also jetz dr Fätze bin vom RVE mitgno worde, dr Fässli het dr Tömse mitgno.
Im Staibock, die alti Phinte, am 8 zoobe isch Sitzig gsi. Ais problem wo mir ka hän, isch mi Name gsi, 2 Beat das isch nit guet, schnäll ischs gange und ich ha e neie name ka "Fätze". Dr Lang, Aetu, FI etc. alias Beat sinn erscht spöter ko.

Mir hän e tolle Oobe ka und es isch e tolli Rundi gsi. Ich ha mir immer gwüntscht emol uf e groosse Waage chöne zgo. Mir hän den e mol afo Baue und zwar isch es e groossi Sach gsi.

Mir hän entschide e riesigi Buurg zmache. Dr Reto isch go Holzblatte go bsoorge und Faarbe wo mir bruuche. Denn hän mir afo Baue, Schindluederei das isch unser Motto aber mir hän immer eppis anebrocht, mit däm tolle Team.
Nur dr RVE dä het amigs e Problem gmacht jä 2 Sache verzell ich euch.

1. Er het z`Därwil gwoont und er het amigs Problem ka bim hei go, er het mi immer gfroogt ob ich au chum. 
Ich: "Nei". Är: "Doch ich zahl dr es Bier ,Wuurscht etc."
Ich: "Nei". Är: "Ich weiss nit rächt wie ich hei chumm mitem Dram."
Also bin ich mitem hei gange, unterwägs het er scho z'BINNIGE welle uusstige. Als ich uusstige ha welle isch er scho näbe mir stande und seit "ich lauf dr Räscht" weiss nit ob ich mi sunnscht verfaar."

2. Bim Wage-Baue, är als Versicherigshängst, het er dr Best brocht. 
"Ich cha das au, e Stichsägi führe."
Är het die Maschine gno und het si uffe und abe gstoosse.
Mir hän in halt e Minute lo mache bis uns verjagt het vor lache.

Das sin so Sache gsi bi de Vorbereitige für d'Fasnacht 1994. D'Fasnacht sälber das isch e Hit gsi.
Mir in däm Römer Goschdyym basend zu de Laarve, die eerschti Fasnacht isch fir mi unvergässlich, wenn ich so zrug dängg.
Waagebsazig: Vogel , Küsti , Reto , Tömse , Beat , Remo , und ebe Fässli.

Ps: Es isch nümme so schlim wie frühner aber Fätze isch Fätze.