> Zurück

2006 - "D'Saudi's dien pumpe und mir mien verlumpe"

Reto Etterlin 01.01.2006

Sujet: "D'Saudi's dien pumpe und mir mien verlumpe"

Dr Waagebau isch wie immer e chli chaotisch verloffe, aber miteme klare Ziel vor Auge. So dass dr Waage bis zur Vernissage fertig worde isch. Alli hänn ihr Beschts gä und s'Resultat isch e Hit mit Zäöt und Sofa worde.


Am Sunntig het dr Petrus denn no e Überraschig ka in Form vo Schnee und das nit zu knapp ( Seufz ) Kinderwägeli in Stadt bringe isch normalerwys e Sach vo zwei Stündli - mit Schnee het das Ganzi locker fünf Stund durt. Dr Tömse und dr Phil hänn gschuflet wie die Wilde - ein Dank an dieser Stelle! Mit e paar Passante ha ich au d`Wägeli an ihre Bestimmigsort brocht.


Am Mäntig denn no e Gschänk im Hof ,e Lastwage isch quer in dr Ifahrt gstande und het uns zwei stund ufgalte , dank Alex und sinner Bergungsüebig isches denn los gange am Mäntig .Nach däm ganze Stress hämmer uns die sitzendi Rundi uf em Sofa wohl verdient!!!! Und will ei Unglück sälte e lei chunt isch den am Mittwuch mir no dr Supergau passiert. Ich ha entgege dr Gwunheit am Mäntig Zobe dr Traktor-Schlüssel an mich gnoo, und uf em Waage abgleggt.( und kei Sau weiss worum!!!) Uf jede Fall ha ich das am Mittwuch nümmi gwüst. Ergo kei Schlüssel für dr Traktor ,und dr Stress isch vorprogramiert gsi!!! Zerscht dr Resärveschlüssel organisiert, dä het nid passt und d'Zyt isch gloffe, denn dr Traktor kurzgschlosse und dr Schlüssel vo emene andere Traktor gleichen Typs beschafft. Passt au nid wirklich, aber es het funktioniert!!


Do mir uf dr Route gstande und nit gfahre sind, hets denn no e Aschiss vo ofizieller Site gä. Und zugueter Letscht, bim Losfahre findet dr Pit dä vo mir verlegti Schlüssel (Original) ufem Wage bi sim Zoggeli. Zu dem Zytpunkt isch bi mir aber Stimmig scho im 128 UG gsi. Bis zum Waage Versorge het sich an minere Stimmig nit vyl gänderet, 5.UG.


Nachem Versorge sinn mir no z'Viert in Prive Chäller go e hastige nä, mit em Resultat: abgesoffen und d'spoot zum Nachtässe . Dr Räscht vo de Aggtive zimlich suur gsi.
Vo mir, em Charly, gits zum Räst nüt me z'vermälde, nur no dass dr Salat guetgsi isch, aber denn isch nämlig Schluss Ende Sense Füürobe, ab ins Bett gsi……. Sorry Jungs !!!!!!