> Zurück

2008 - "Uns isch's egal"

Pät Erb 01.01.2008

Sujet: "Uns isch's egal"

Mini erschti Fasnacht isch e Wucht gsi. E super Waage, e super Wätter und e 
Waggis als Larve, eifach e Wucht.
Drby hets jo nid guet agfange für mi, dr Schisser hani ka am Morgestraich.
Isch aber nur d'Nervosität gsi, zum Cortège bini wider top-fit gsi.
So, denn isches aber ändlig losgange, nachere Gedänkminute an 
Lälle simmer uf d'Route.
Die erschte paar Meter han ich's eifach nur gnosse und ha mir e paar 
Sprüchli überlegt,do höri näbe dra immer wider sage:
"Hei ei ei ei ei ei ei" dr Thömeli in ägschen.
Nid lang isches gange und au ich bi voll im Fasnachts-Fiber gsi, do e Mimösli
dört e Rösli und e paar Sprüchli hinde dry, es het eifach Spass gmacht.

Am Zyschtig sind denn die Chline dra gsi, au sie hän uf dä Wäägeli Dääfi use gä,
dr Thömse uf em Tragdoor die andere als Vortraab, e richtigs Züügli simmer gsi.
Am Oobe simmer denn zämme go ässe, es het Spass gmacht mit de Kids.
Nach em Schmaus hän mir im Käller Iisatz ka jo jo,
drum simmer schnell abe und hän e Gudi-Gudi gno.
Denn aber simmer in d'Hoose, will d Lüt sind cho 
go Schnitzelbängg lose.
Apropo Bängg, dr Reto het e neus Hobby er treit jetzt Helge.
(Sauuguuet s'Maaximum).
Und scho isches Zwölfi gsi und sind richtig Glaibasel los zoge.
Dört hets denn die bekannte Epfeli gä, siebe an dr Zahl, e Schnupf hindedri und witer isch es gange.
Spöter hämmer no dr Fätze troffe und ab denn het au uns s Pannini-Fieber agstekt.
Isch e geile Oobe gsi, hösch Digge.

Am Mittwuch sind e paar no zerscht dr Waage go lade, au dr Thömeli,
er het am morge no kei so gueti Falle gmacht (Epfeli).
Zum Cortège ischer no chli still gsi aber egal am halbi Zwei isches wider los gange.
So aber das mol hani grad vo Afang a alles gä, au mit dä Räppli hani nümme gspart.
Dr Thömeli isch denn au ufftaut " Hei ei ei ei ei ei ei".
Nach em zweite Halt isch es denn Richtig mittleri Brugg gange, bi däm Wätter (Sunneschiin),
het das Lüt ka , dass isch unvergässlich gsi.
Wo mir denn zum Spiegelhof cho sind (grosse Halt), hänn uns d Basler Amazone no 
e Platzkonzärt gä, es het mega gschränzt.(Merci)
Am Oobe simmer nomol zämme go Znacht ässe, i ha scho dänkt, villicht muess i
kei priefig besto-jä dengste, serviert vom Phil.
E Tablar mitere Stange heisse Milch, e Stange Bier und e rohs Ei, alles muess e wäg 
hän Sie gseit (Sali minand).
Nach e paar Schweisströpfli han ich s doch no gschaft die ganzi Sauerei z'ässe.
So i hoff i ha e guete Idrug hinterlo und freu mi uf die nägscht Fasnacht,
merci an d Kollegä Phil,Reto,Pit,Thömse,Flip,Thömeli.